കോഴിക്കോട്: നന്തി ജാമിഅ ദാറുസ്സലാം അല്‍ ഇസ്‌ലാമിയ്യ ശരീഅത്ത് കോളജ് വിദ്യാര്‍ഥി സംഘടന മഅ്ദിനുല്‍ ബയാന്‍ സ്റ്റുഡന്റ്‌സ് അസോസിയേഷന്‍ (എം.ബി.എസ്.എ) നടത്തിയ അഖില കേരള പ്രബന്ധ മത്സരത്തിലെ വിജയികളെ പ്രഖ്യാപിച്ചു. വി. സിറാജുദ്ദീന്‍ അക്കിയംപാടം (ദാറുല്‍ ഉലൂം വാഫി കോളജ്, തൂത) ഒന്നാം സ്ഥാനവും കെ. മുഹമ്മദ് റാഫി വെളിമുക്ക് (ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി, ചെമ്മാട്) രണ്ടാം സ്ഥാനവും അബ്ദുല്‍ ബാസിത് നീരുട്ടിക്കല്‍ (ദാറുസ്സലാം ദഅ്‌വാ കോളജ്, നന്തി) മൂന്നാം സ്ഥാനവും കരസ്ഥമാക്കി. ഇടിയങ്ങര ശൈഖ് പള്ളി ഉറൂസിനോടനുബന്ധിച്ച് മാര്‍ച്ച് 31ന് നടത്തുന്ന പണ്ഡിതസംഗമത്തില്‍ അവാര്‍ഡുകള്‍ വിതരണം ചെയ്യും.