ചങ്ങനാശ്ശേരി: എന്‍.എസ്.എസ് സ്ഥാപകന്‍ മന്നത്തു പത്മനാഭന്റെ സമാധിദിനം ആചരിച്ചു. പെരുന്ന എന്‍.എസ്.എസ്. ആസ്ഥാനത്തുള്ള മന്നം സമാധിയില്‍ പുഷ്പാര്‍ച്ചനയും പ്രാര്‍ഥനയും നടന്നു.
രാജ്യസഭാ ഉപാധ്യക്ഷന്‍ പ്രൊഫ. പി.ജെ. കുര്യന്‍, പ്രതിപക്ഷനേതാവ് രമേശ് ചെന്നിത്തല, എം.എല്‍.എമാരായ ഡോ. എന്‍. ജയരാജ്, തിരുവഞ്ചൂര്‍ രാധാകൃഷ്ണന്‍, മുന്‍ എം.എല്‍.എമാരായ എ.എം.മുരളി, ജോസഫ്.എം.പുതുശ്ശേരി, ബി.ജെ.പി. നേതാക്കളായ കെ.ആര്‍. പ്രതാപചന്ദ്രവര്‍മ, എം.ബി.രാജഗോപാല്‍ തുടങ്ങിയവര്‍ പുഷ്പാര്‍ച്ചന നടത്തി. എന്‍.എസ്.എസ്. ജനറല്‍ സെക്രട്ടറി ജി. സുകുമാരന്‍നായര്‍, ഡോ. എം. ശശികുമാര്‍ നേതൃത്വം നല്‍കി.