തിരുവനന്തപുരം: അഡൈ്വസ് മെമ്മോ അയച്ച് ഒരു വര്‍ഷം കഴിഞ്ഞിട്ടും നിയമനം നടത്താത്തതില്‍ പ്രതിഷേധിച്ച് കെ.എസ്.ആര്‍.ടി.സി റിസര്‍വ് കണ്ടക്ടര്‍ തസ്തികയിലെ ഉദ്യോഗാര്‍ഥികള്‍ സെക്രട്ടേറിയറ്റിന് മുന്നില്‍ അനിശ്ചിതകാല സമരം തുടങ്ങി. കെ.എസ്.ആര്‍.ടി.സി റിസര്‍വ് കണ്ടക്ടര്‍ പി.എസ്.സി അഡൈ്വസ്ഡ് റാങ്ക് ഹോള്‍ഡേഴ്‌സ് അസോസിയേഷന്റെ ആഭിമുഖ്യത്തിലുള്ള സമരം കെ. മുരളീധരന്‍ എം.എല്‍.എ ഉദ്ഘാടനം ചെയ്തു. നിയമന ശുപാര്‍ശ ലഭിച്ചിട്ടും ജോലിക്കായി സമരം ചെയ്യേണ്ട അവസ്ഥയിലേക്കു ഇവരെ എത്തിച്ചത് കെ.എസ്.ആര്‍.ടി.സി മാനേജ്‌മെന്റും സര്‍ക്കാരുമാണ്. പ്രശ്‌നപരിഹാരത്തിന് ഉദ്യോഗാര്‍ഥികളുമായി ചര്‍ച്ച നടത്താന്‍ സര്‍ക്കാര്‍ തയാറാകണമെന്നും മുരളീധരന്‍ പറഞ്ഞു.
2016 ഡിസംബര്‍ 31 ന് അഡൈ്വസ് മെമ്മോ ലഭിച്ച 4051 ഉദ്യോഗാര്‍ഥികളുടെ പ്രതിനിധികളാണ് സമരം ആരംഭിച്ചത്.