തിരുവനന്തപുരം: മദ്യശാലകളുമായി ബന്ധപ്പെട്ട കഴിഞ്ഞ ദിവസത്തെ സുപ്രിംകോടതി വിധി വിശദമായി പരിശോധിച്ചുവരികയാണെന്നും പഠിച്ചശേഷം ഉചിതമായ തീരുമാനമെടുക്കുമെന്നും എക്‌സൈസ് മന്ത്രി ടി.പി രാമകൃഷ്ണന്‍.
സര്‍ക്കാരിനു വിധിപ്പകര്‍പ്പു ലഭിച്ചിട്ടുണ്ടെന്ന് വാര്‍ത്താസമ്മേളനത്തില്‍ ചോദ്യത്തിനു മറുപടിയായി മന്ത്രി വ്യക്തമാക്കി. ഇക്കാര്യത്തില്‍ തിടുക്കത്തില്‍ ഒരു തീരുമാനമെടുക്കാനാവില്ല. നേരത്തെ ഇതു സംബന്ധിച്ചുണ്ടായ കോടതി വിധികള്‍ സര്‍ക്കാര്‍ പാലിച്ചിരുന്നു. മദ്യശാലകളുടെ ദൂരപരിധി സംബന്ധിച്ചുണ്ടായ വിധിക്കനുസരിച്ചാണ് അന്നു സര്‍ക്കാര്‍ നിലപാടു സ്വീകരിച്ചത്. പുതിയ വിധിയും വിശദമായി തന്നെ പരിശോധിക്കേണ്ടതുണ്ടെന്നും മന്ത്രി പറഞ്ഞു.