കായംകുളം: ടിപ്പര്‍ലോറി ഇടിച്ച് ബൈക്ക് യാത്രികരായ രണ്ട് പേര്‍ മരിച്ചു. ഒരാള്‍ക്ക് ഗുരുതര പരുക്കേറ്റു. ബൈക്ക് യാത്രികരായആലപ്പുഴ കളര്‍കോട് കാളാട്ട് വാര്‍ഡില്‍ കള്ളിക്കാട്ട് പറമ്പില്‍ രാജമ്മ (60 ) ഇവരുടെ കൊച്ചു മകന്‍മിഥുന്‍ (6)എന്നിവരാണ് മരിച്ചത്. രാജമ്മയുടെ മകന്‍ രാജീവിന് ഗുരുതര പരുക്കേറ്റു.രാജീവിനെ ആലപ്പുഴ മെഡിക്കല്‍ കോളേജില്‍ പ്രവേശിപ്പിച്ചു.

ഇന്ന് രാവിലെ ഏഴരയോടെ കായംകുളം പുനലൂര്‍ കെ.പി റോഡില്‍ കുറ്റിത്തെരുവ് ജംഗ്ഷന് സമീപത്തായിരുന്നു അപകടം.ബൈക്കിന് പിന്നില്‍ അമിതവേഗതയിലെത്തിയ ടിപ്പര്‍ ഇടിച്ചു കയറുകയായിരുന്നു. രാജമ്മയും മിഥുനും സംഭവസ്ഥലത്തുവച്ചുതന്നെ മരിച്ചു.