പുജാരികാങ്കെര്‍: ഛത്തീസ്ഗഢില്‍ മാവോയിസ്റ്റുകളും പൊലിസും തമ്മില്‍ ഏറ്റുമുട്ടല്‍. 12 മാവോയിസ്റ്റുകളും ഒരു പൊലിസുകാരനും കൊല്ലപ്പെട്ടു. ഛത്തീസ്ഗഢിലെ പുജാരികാങ്കെറിലാണ് സംഭവം.

വ്യാഴാഴ്ച വൈകിട്ട് നാലു മണിയോടെയാണ് ഏറ്റുമുട്ടല്‍ ആരംഭിച്ചത്. വനത്തിനുള്ളില്‍ നടന്ന ഏറ്റുമുട്ടലില്‍ ഇരുവിഭാഗവും 50-100 മീറ്റര്‍ ദൂരത്തില്‍ മുഖാമുഖം എത്തിയെന്നും സംഘാങ്ങള്‍ പറഞ്ഞു.

കീഴടങ്ങാന്‍ ആവശ്യപ്പെട്ടെങ്കിലും മാവോയിസ്റ്റുകള്‍ വെടിയുതിര്‍ക്കുകയായിരുന്നു. കൊല്ലപ്പെട്ടവരില്‍ ആറു പേര്‍ സ്ത്രീകളാണ്. ആക്രമണ സ്ഥലത്തു തന്നെയാണ് എല്ലാവരും മരിച്ചത്.