പട്‌ന: മുന്‍ സംസ്ഥാന കോണ്‍ഗ്രസ് അധ്യക്ഷന്‍ അശോക് ചൗധരിയും മൂന്ന് നിയമസഭാംഗങ്ങളും ജെ.ഡി.യുവില്‍ ചേര്‍ന്നു. മുഖ്യമന്ത്രിയും ജെ.ഡി.യു അധ്യക്ഷനുമായ നിതീഷ് കുമാറിന്റെ സാന്നിധ്യത്തിലാണ് ഇവര്‍ പാര്‍ട്ടിയില്‍ അംഗത്വമെടുത്തത്. അടുത്ത ദിവസങ്ങളില്‍ കൂടുതല്‍ കോണ്‍ഗ്രസ് നേതാക്കള്‍ ജെ.ഡി.യുവില്‍ ചേരുമെന്നും വിവരമുണ്ട്. അതിനിടയില്‍ രണ്ട് ഡസന്‍ എന്‍.ഡി.എ എം.എല്‍.എമാര്‍ രാജിവയ്ക്കാനും അനുകൂല സാഹചര്യത്തില്‍ മറ്റ് പാര്‍ട്ടികളിലേക്ക് വരാനും സാധ്യതയുണ്ടെന്ന് ആര്‍.ജെ.ഡി നേതൃത്വം അവകാശപ്പെട്ടു.