പെരിന്തല്‍മണ്ണ: കേരളത്തില്‍ സര്‍വിസ് നടത്തുന്ന എല്ലാ ബസുകളിലും ജി.പി.എസ് സംവിധാനം ഉപയോഗപ്പെടുത്തി സ്റ്റോപ്പുകള്‍ മുന്‍കൂട്ടി അനൗണ്‍സ് ചെയ്യുന്ന സംവിധാനം ഏര്‍പ്പെടുത്തണമെന്നു കേരളാ ഫെഡറേഷന്‍ ഓഫ് ദി ബ്ലെന്റ് (കെ.എഫ്.ബി) ജില്ലാ സമ്മേളനം. പെരിന്തല്‍മണ്ണ ഗവ. ഗേള്‍സ് ഹയര്‍സെക്കന്‍ഡറി സ്‌കൂളില്‍ നടന്ന സമ്മേളനം നഗരസഭാ ചെയര്‍മാന്‍ എം. മുഹമ്മദ് സലീം ഉദ്ഘാടനം ചെയ്തു.

ബ്ലോക്ക് പഞ്ചായത്ത് പ്രസിഡന്റ് പെട്ടമണ്ണ റീന അധ്യക്ഷയായി. അഖില കേരളാ ക്രിക്കറ്റ് ടൂര്‍ണമെന്റില്‍ ഒന്നാംസ്ഥാനം നേടിയ ജില്ലാ ക്രിക്കറ്റ് ടീം അംഗങ്ങളെ ഉപഹാരം നല്‍കി ആദരിച്ചു. കെ.എഫ്.ബി സംസ്ഥാന വൈസ് പ്രസിഡന്റ് സി. ഹബീബ്, സെക്രട്ടറി പി. ഉണ്ണികൃഷ്ണന്‍, ജില്ലാ പ്രസിഡന്റ് കെ. അബ്ദുല്‍ അസീസ്, സെക്രട്ടറി കെ. ഗോപാലകൃഷ്ണന്‍ മാസ്റ്റര്‍, ട്രഷറര്‍ കെ. ഹമീദ്, ടി.കെ ഇബ്രാഹിം, തെക്കത്ത് ഉസ്മാന്‍, ചമയം ബാപ്പു, ഡോ. ദിലീപ് ഹംസ, എന്‍ജിനിയര്‍ പ്രസാദ് സംസാരിച്ചു.