മലപ്പുറം: ഗവ.വനിതാ കോളജിനു കെട്ടിടം നിര്‍മിക്കുന്നതിനു ഭൂമി ഏറ്റെടുക്കുന്നതുമായി ബന്ധപ്പെട്ട് കോളജ് വിദ്യാഭ്യാസ ഡയറക്ടര്‍ക്ക് നിര്‍ദേശം നല്‍കിയതായി മന്തി പ്രൊഫ. സി.രവീന്ദ്രനാഥ് പി.ഉബൈദുല്ല എം.എല്‍.എയെ അറിയിച്ചു. മലപ്പുറം പാണക്കാട് വില്ലേജില്‍ ഇന്‍കെലില്‍ അഞ്ചു ഏക്കര്‍ ഭൂമി വനിതാ കോളജിനു അനുവദിച്ചിരുന്നുവെങ്കിലും സ്ഥലമേറ്റെടുപ്പ് ഇതുവരേ നടന്നിട്ടില്ല. ഭൂമി അളന്നു ശുപാര്‍ശ റവന്യൂവകുപ്പിനു കൈമാറിയിരുന്നു. എന്നാല്‍ റവന്യൂ വകുപ്പിനു ഭൂമി വിട്ടുനല്‍കികൊണ്ട് വ്യവസായ വകുപ്പും ഏറ്റെടുത്തു കൊണ്ട് റവന്യൂ വകുപ്പും ഉത്തരവു പുറപ്പെടുവിക്കണമെന്നു ജില്ലാകലക്ടര്‍ അറിയിച്ചു. ഇതേതുടര്‍ന്നാണ് ഇക്കാര്യം ഉബൈദുല്ല എം.എല്‍.എ മന്ത്രിയുടെ ശ്രദ്ധയില്‍പെടുത്തിയത്.