കോയമ്പത്തൂര്‍: തമിഴ്‌നാട്ടില്‍ എം.ജി.ആറിന്റെ കാലത്തെ ഭരണം കാഴ്ചവയ്ക്കുമെന്ന് നടന്‍ രജനികാന്ത്.
ചെന്നൈ വേലപ്പന്‍ ചാവടിയിലെ എ.സി.എസ് മെഡിക്കല്‍ കോളജ് പരിസരത്ത് എം.ജി.ആറിന്റെ പ്രതിമ അനാച്ഛാദനംചെയ്ത് സംസാരിക്കുകയായിരുന്നു അദ്ദേഹം.രാഷ്ട്രീയം വേണ്ടെന്നാണ് താന്‍ നേരത്തേ തീരുമാനിച്ചിരുന്നത്. എന്നാല്‍, രാഷ്ട്രീയത്തിലേക്ക് ഇറങ്ങാന്‍ പ്രേരിപ്പിക്കുകയായിരുന്നു. എം.ജി.ആറുമായി തനിക്ക് ഏറെ അടുപ്പമാണുണ്ടായിരുന്നത്.
അതിനാല്‍ തമിഴ് ജനത ആഗ്രഹിക്കുന്ന എം.ജി.ആര്‍ ഭരണം കാഴ്ചവയ്ക്കാന്‍ കഴിയും. എല്ലാവിഭാഗം ജനങ്ങളെയും ഒരുപോലെ കാണുന്ന അഴിമതിമുക്ത ഭരണം കാഴ്ചവയ്ക്കുമെന്നും അദ്ദേഹം പറഞ്ഞു.