ആലപ്പുഴ: എംഡിഎംഎയുമായി മൂന്ന് യുവാക്കള്‍ അറസ്റ്റിൽ. കൊല്ലം സ്വദേശികളായ അർഷാദ് (21), ദർവീഷ് (20), ആലപ്പുഴ സ്വദേശി സോനു(19) എന്നിവരാണ് അരൂർ പൊലിസിന്‍റെ പിടിയിലായത്.  ഇവരിൽ നിന്നും 82 ഗ്രാം എംഡിഎംഎ പൊലിസ് പിടിച്ചെടുത്തു. അയൽ സംസ്ഥാനങ്ങളിൽ നിന്നും ആലപ്പുഴ ജില്ലയിലേക്ക് നിരോധിത ലഹരിമരുന്ന് കടത്തുന്നുവെന്ന രഹസ്യവിവരത്തെ തുടർന്ന് അരൂർ പൊലിസും ഡാൻസാഫ് ടീമും സംയുക്തമായി നടത്തിയ വാഹന പരിശോധനയിലാണ് യുവാക്കള്‍ പിടിയിലായത്.

എരമല്ലൂർ ജംഗ്ഷന് സമീപം വെച്ച് നടത്തിയ പരിശോധനയിലാണ് ബൈക്കിൽ സഞ്ചരിക്കുകയായിരുന്ന യുവാക്കളെ പിടികൂടിയത്. ഇവരിൽ നിന്ന് മാർക്കറ്റിൽ മൂന്നുലക്ഷം രൂപയോളം വില വരുന്ന എംഡിഎംഎയാണ് പിടിച്ചെടുത്തത്. അയൽ സംസ്ഥാനങ്ങളിൽ നിന്നം ലഹരി വസ്തുക്കളെത്തിച്ച് കോളേജ് വിദ്യാർത്ഥികള്‍ക്ക് വിതരണം ചെയ്യുന്ന സംഘത്തിലെ പ്രധാനിയാണ് പിടിയിലായ അർഷാദ്. പെരുമ്പാവൂരിലെ സ്വകാര്യ കോളേജിലെ വിഥ്യാർഥികളായ ദർവീഷിനെയും സോനുവിനെയും കൂടെ കൂട്ടി കൊച്ചിയിൽ നിന്നും കൊല്ലത്തേക്ക് പോകുന്നതിനിടെയാണ് അർഷാദ് പിടിയിലായത്. അറസ്റ്റ് ചെയ്ത പ്രതികളെ ചേർത്തല കോടതിയിൽ ഹാജരാക്കി റിമാൻഡ് ചെയ്തു. 

Three youths were arrested in Alappuzha for their alleged connection with the MDMA.