താമരശേരി: ഇതര സംസ്ഥാന തൊഴിലാളികള്‍ക്കിടയില്‍ കഞ്ചാവ് വില്‍പന വ്യാപകമാണെന്ന പരാതിയെ തുടര്‍ന്ന് അമ്പായത്തോട്, പെരുമ്പള്ളി, എലോക്കര ഭാഗങ്ങളില്‍ എക്‌സൈസ് സംഘം നടത്തിയ പരിശോധനയില്‍ കഞ്ചാവുമായി ഒരാളെ അറസ്റ്റ് ചെയ്തു.
ഈങ്ങാപ്പുഴ പുറ്റെംകുന്ന് വീട്ടില്‍ ബാബു(47)നെയാണ് 10 പൊതി കഞ്ചാവുമായി താമരശേരി എക്‌സൈസ് റേഞ്ച് ഇന്‍സ്‌പെക്ടര്‍ വിജി കുര്യാക്കോസും സംഘവും അറസ്റ്റ് ചെയ്തത്. താമരശേരി ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു.
അസി. എക്‌സൈസ് ഇന്‍സ്‌പെക്ടര്‍മാരായ ജെയിംസ് മാത്യു, കെ. സദാനന്ദന്‍, സിവില്‍ എക്‌സൈസ് ഓഫിസര്‍മാരായ കെ.ജി ജിനീഷ്, സിജി ഷാജു, ടി. നൗഫല്‍, സി.ജി സുരേഷ് ബാബു, വി. സുബൈര്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.