കിഴിശ്ശേരി: വര്‍ഷങ്ങളായി കൃഷിയിറക്കി കൊണ്ടിരിക്കുന്ന വയലുകള്‍ സംരക്ഷിക്കാന്‍ അധികൃതര്‍ തയാറാകണമെന്ന് കിഴിശ്ശേരി ടൗണ്‍ യൂത്ത് ലീഗ് കമ്മിറ്റി ആവശ്യപ്പെട്ടു. കാലങ്ങളായി ഏക്കര്‍ കണക്കിന് വയലില്‍ നെല്‍കൃഷിയിറക്കുന്ന പ്രദേശമാണ് ചെറുപറമ്പ്.
ജലക്ഷാമം രൂക്ഷമായിട്ടും വയല്‍ നികത്തുന്നതിനെതിരെ നടപടി സ്വീകരിക്കാന്‍ വില്ലേജ് ഓഫിസര്‍ തയാറാകുന്നില്ലെങ്കില്‍ ജില്ലാ കലക്ടര്‍ക്ക് പരാതി നല്‍കുമെന്നും ജനകീയ പ്രക്ഷോഭത്തിലൂടെ കൃഷിഭൂമി സംരക്ഷിക്കുമെന്നും യൂത്ത് ലീഗ് ഭാരവാഹികള്‍ പറഞ്ഞു. പ്രസിഡന്റ് കബീര്‍ മേമാടന്‍ അധ്യക്ഷനായി.