ഇറാനെതിരായ ഇസ്‌റാഈല്‍ ആക്രമണത്തെ ശക്തമായി അപലപിച്ച് യുഎഇ. നയതന്ത്ര മാര്‍ഗങ്ങളിലൂടെ തര്‍ക്കങ്ങള്‍ പരിഹരിക്കേണ്ടതിന്റെ പ്രാധാന്യവും രാജ്യം ഊന്നിപ്പറഞ്ഞു. പ്രദേശത്തെ വര്‍ദ്ധിച്ചുവരുന്ന തുടര്‍ച്ചയായ ആക്രമണങ്ങളിലും രാജ്യങ്ങളുടെ ആഭ്യന്തര  സുരക്ഷക്കു നേരെയുള്ള കടന്നുകയറ്റങ്ങളിലും   അനന്തരഫലങ്ങളിലും യുഎഇ വിദേശ കാര്യ മന്ത്രാലയം ആശങ്ക പ്രകടിപ്പിച്ചു.

ആക്രമണ സാധ്യതകള്‍ ലഘൂകരിക്കുന്നതിനും സംഘര്‍ഷത്തിന്റെ തോത് വിപുലീകരിക്കുന്നത് തടയുന്നതിനും രാജ്യങ്ങള്‍ ആത്മനിയന്ത്രണം പാലിക്കേണ്ടതിന്റെ പ്രാധാന്യവും വിദേശ കാര്യമന്ത്രാലയം ഊന്നിപ്പറഞ്ഞു.

രാഷ്ട്രങ്ങള്‍ തമ്മിലുള്ള പ്രശ്‌നങ്ങള്‍ സംഘര്‍ഷളിലൂടെ പരിഹരിക്കുന്നതിനു പകരം നയതന്ത്ര മാര്‍ഗങ്ങളിലൂടെ തര്‍ക്കങ്ങള്‍ പരിഹരിക്കുന്നതിന്റെ ആവശ്യകതയും യുഎഇ ചൂണ്ടിക്കാട്ടി.