ചെന്നൈ: ത്രിപുരയില്‍ ലെനിന്റെയും തമിഴ്‌നാട്ടില്‍ പെരിയോറിന്റെയും പ്രതിമകള്‍ തകര്‍ത്തതിനു പിന്നാലെ ഉത്തര്‍പ്രദേശില്‍ അംബേദ്കര്‍ പ്രതിമയ്ക്ക് നേരെയും ആക്രമണം. ഇന്ന് പുലര്‍ച്ചെയാണ് സംഭവം. മീറ്റിലെ മവാനിയിലുള്ള അംബേദ്കര്‍ പ്രതിമയാണ് തകര്‍ത്തത്.

സംഭവത്തെ തുടര്‍ന്ന് ദലിത് സംഘടനകളുടെ നേതൃത്വത്തില്‍ റോഡ് ഉപരോധവും പ്രതിഷേധവും ഉണ്ടായി. അധികൃതര്‍ പുതിയ പ്രതിമ നിര്‍മ്മിച്ച് നല്‍കാമെന്ന ഉറപ്പു നല്‍കിയതോടെയാണ് ഇവര്‍ പിരിഞ്ഞുപോയത്.

രണ്ടു ദിവസം മുന്‍പ് അലിഗഡിലും അംബേദ്കര്‍ പ്രതിമ തകര്‍ക്കപ്പെടിരുന്നു.