റിയാദ്: ബ്രിട്ടനിലെത്തിയ സഊദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്‍ ബ്രിട്ടീഷ് രാജ്ഞി എലിസബത്തുമായി കൂടിക്കാഴ്ച്ച നടത്തി. ചരിത്ര പ്രസിദ്ധമായ ബക്കിങ് ഹാം കൊട്ടാരത്തില്‍വച്ചായിരുന്നു കൂടിക്കാഴ്ച്ച. രാജകൊട്ടാരത്തിലെ ഔദ്യോഗിക വിരുന്നോടെയാണ് രാജ്ഞി രാജകുമാരനെ വരവേറ്റത്. അടുത്ത ദിവസങ്ങളിലായി വെയില്‍സ് രാജകുമാരന്‍, ചാള്‍സ് രാജകുമാരന്‍, ബ്രിട്ടീഷ് പ്രധാന മന്ത്രി തെരേസ മേ തുടങ്ങി മുതിര്‍ന്ന നേതാക്കളുമായും ഉന്നത ഉദ്യോഗസ്ഥരുമായും അദ്ദേഹം ചര്‍ച്ചകള്‍ നടത്തും.

ബ്രിട്ടനിലെത്തിയ കിരീടാവകാശിയെ ബ്രിട്ടീഷ് വിദേശ കാര്യ സെക്രട്ടറി ജോണ്‍സന്റെ നേതൃത്വത്തിലുള്ള സംഘം സ്വീകരിച്ചു. സന്ദര്‍ശന വേളയില്‍ സഊദിയും ബ്രിട്ടനും തമ്മില്‍ 100 ബില്യണ്‍ ഡോളറിന്റെ കരാറുകളില്‍ ഒപ്പുവയ്ക്കുമെന്നാണ് കരുതുന്നത്.