അഞ്ചല്‍: ചടയമംഗലം മുസ്‌ലിം ജമാഅത്തിന്റെ കേന്ദ്ര മദ്‌റസ പുനര്‍ നിര്‍മാണോദ്ഘാടനവും ശിലാസ്ഥാപനവും മതവിജ്ഞാന സദസും ഇന്ന് നടക്കും. ശിലാസ്ഥാപന ഉദ്ഘാടനം മന്നാനിയ്യ പ്രിന്‍സിപ്പല്‍ കെ.പി അബൂബക്കര്‍ ഹസ്രത്ത് നിര്‍വഹിക്കും. വൈകിട്ട് 4.30ന് നടക്കുന്ന പരിപാടിയില്‍ ജമാഅത്ത് പ്രസിഡന്റ് എം.എ കലാം അധ്യക്ഷനാവും.
ചടയമംഗലം ജുമുഅ മസ്ജിദ് ചീഫ് ഇമാം ഫസലുദ്ദീന്‍ ദാരിമി മുഖ്യപ്രഭഷണവും മഞ്ഞപ്പാറ മുസ്‌ലിം ജമാഅത്ത് ചീഫ് ഇമാം ചടമയമംഗലം ഷഹീറുദ്ദീന്‍ മന്നാനി അനുമോദന പ്രഭാഷണവും നടത്തും. ജെ. ഷംസുദ്ദീന്‍, എം നാസിമുദ്ദീന്‍, കെ സൈനുലാബ്ദീന്‍, സി.ഐ മുഹമ്മദ് ഹനീഫ, ഡോ. എം സൈഫുദ്ദീന്‍, എ അബ്ദുല്‍ ലത്തീഫ്, എം അബ്ദുല്‍ സലാം സംസാരിക്കും. മതവിജ്ഞാന സദസിന് നവാസ് മന്നാനി പനവൂര്‍ നേതൃത്വം നല്‍കും.