ചെറുവത്തൂര്‍: ഇ. ശ്രീധരനെ സര്‍ക്കാര്‍ ഓടിച്ചിട്ടില്ലെന്നു മന്ത്രി ജി. സുധാകരന്‍. അദ്ദേഹത്തോട് ഓടാന്‍ ആരും പറഞ്ഞിട്ടില്ല. ഓട്ടപ്പന്തയത്തില്‍ ആരും നിര്‍ത്തിയിട്ടുമില്ല. കേന്ദ്രാനുമതി ലഭിക്കാത്തതാണ് മെട്രോ പണിയുന്നതിന്റെ തടസം എന്നത് നിയമസഭയില്‍ മലയാളത്തില്‍ പറഞ്ഞതാണ്. ശ്രീധരനെവച്ച് ആരും രാഷ്ട്രീയം കളിക്കരുതെന്നും അദ്ദേഹം പറഞ്ഞു.
കോഴിക്കോട്, തിരുവനന്തപുമരം ലൈറ്റ് മെട്രോ പദ്ധതികളില്‍നിന്ന് ഡി.എം.ആര്‍.സി പിന്മാറിയതുമായി ബന്ധപ്പെട്ട വിവാദങ്ങള്‍ കൊഴുക്കുന്നതിനിടയിലാണ് മന്ത്രിയുടെ പ്രസ്താവന.