ന്യൂഡല്‍ഹി: രാഹുല്‍ ഗാന്ധി കോണ്‍ഗ്രസ് അധ്യക്ഷനാകാന്‍ സാധ്യതയുണ്ടെന്ന വാര്‍ത്തകളെ പരിഹസിച്ച് കേന്ദ്രമന്ത്രി സ്മൃതി ഇറാനി. രാഹുല്‍ ഗാന്ധി കോണ്‍ഗ്രസ് അധ്യക്ഷനായാല്‍ ബി.ജെ.പിക്ക് അച്ഛേ ദിന്‍ ആകുമെന്ന് മന്ത്രി പറഞ്ഞു. ഒരു സ്വകാര്യ ചാനലിനു നല്‍കിയ അഭിമുഖത്തിലാണ് മന്ത്രി ഇക്കാര്യം പറഞ്ഞത്.

എന്നൊക്കെ ബി.ജെ.പി അധികാരത്തില്‍ വന്നോ അന്നെല്ലാം മാനവശേഷി വിഭവ മന്ത്രാലയവുമായി ബന്ധപ്പെട്ട് വിവാദങ്ങള്‍ ഉണ്ടായിട്ടുണ്ട്. മന്ത്രിയെ വ്യക്തിപരമായി ആക്രമിക്കുന്നത് ശരിയല്ല. അത് കാടിന്റെ സ്വഭാവമാണ്. തനിക്കു നേരെയുണ്ടാകുന്നത് രാഷ്ട്രീയ ആക്രമണങ്ങളല്ലെന്നും പ്രത്യയശാസ്ത്രപരമായതാണെന്നും മന്ത്രി പറഞ്ഞു.അതൊന്നും കാര്യമാക്കുന്നുമില്ല.

ആര്‍.എസ്.എസ് വിദ്യാഭ്യാസ കാര്യങ്ങളില്‍ ഇടപെടുന്നുവെന്നത് ശരിയല്ല. ഉത്തര്‍പ്രദേശ് ബി.ജെ.പി സ്ഥാനാര്‍ഥിയാകാന്‍ തയാറെടുക്കുന്നുവെന്ന വാര്‍ത്ത തള്ളിക്കളഞ്ഞ മന്ത്രി രാഹുല്‍ ഗാന്ധിയോട് പ്രത്യേക വിരോധമൊന്നും ഇല്ലെന്നും വ്യക്തമാക്കി. മാധ്യമപ്രവര്‍ത്തകര്‍ ചോദിക്കുന്നു, ഞാന്‍ ഉത്തരം പറയുന്നു- സ്മൃതി ഇറാനി പറഞ്ഞു