പത്തനംതിട്ട: ചെങ്ങന്നൂര്‍ ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയായി ഡി.വിജയകുമാറിനെ തെരഞ്ഞെടുത്തു. കെ.പി.സി.സി നിര്‍ദേശം ഹൈക്കമാന്‍ഡ് അംഗീകരിക്കുകയായിരുന്നു.

കഴിഞ്ഞ വെള്ളിയാഴ്ച തിരുവനന്തപുരത്തു ചേര്‍ന്ന കോണ്‍ഗ്രസ് രാഷ്ട്രീയകാര്യ സമിതിയില്‍ വിജയകുമാറിന്റെ പേര് അംഗീകരിച്ചു ഹൈക്കമാന്‍ഡിനു നല്‍കിയിരുന്നു. ഇത് ഹൈക്കമാന്‍ഡ് അംഗീകരിക്കുകയായിരുന്നു.

എല്‍.ഡി.എഫ് സ്ഥാനാര്‍ഥിയായി സി.പി.എം ജില്ലാ സെക്രട്ടറി സജി ചെറിയാനെയും, എന്‍.ഡി.എ സ്ഥാനാര്‍ഥിയായി ബി.ജെ.പി നിര്‍വാഹക സമിതിയംഗം പി.എസ് ശ്രീധരന്‍പിള്ളയെയും ഇരു പാര്‍ട്ടികളും സ്ഥാനാര്‍ഥികളായി നേരത്തെ തീരുമാനിച്ചിരുന്നു. കോണ്‍ഗ്രസ്സിനു വേണ്ടി എ.കെ ആന്റണിയടക്കമുള്ള മുതിര്‍ന്ന നേതാക്കളും ദേശീയ നേതാക്കളും പ്രചരണരംഗത്ത് സജീവമാകുമെന്ന് പാര്‍ട്ടിവൃത്തങ്ങള്‍ അറിയിച്ചു.