കരുനാഗപ്പള്ളി: താലൂക്കിന്റെ വിവിധ പ്രദേശങ്ങളില്‍ വ്യാജചാരായവും കോടയുംവില്‍പ്പന നടത്തുന്ന പ്രധാന കണ്ണി എക്‌സൈസ് സംഘത്തിന്റെ പിടിയില്‍.
പാവുമ്പ കണ്ണഞ്ചാലില്‍ പുഞ്ചയില്‍ ചാരായം വാറ്റി കൊണ്ടിരിക്കവേ കാവുങ്കാലില്‍ അയ്യത്ത് വീട്ടില്‍ ഉത്തമനെയാണ് രാഹസ്യവിവരത്തെതുടര്‍ന്ന് കരുനാഗപ്പള്ളി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സി.കെ സജീകുമാര്‍ അറസ്റ്റ് ചെയ്തത്. ഉത്സവത്തിനോടനുബന്ധിച്ച് വ്യവസായിക അടിസ്ഥാനത്തില്‍ വ്യാജ ചാരായം വില്‍പ്പന നടത്തി വരികയായിരുന്നു ഇയാള്‍.ഒരു ലിറ്റര്‍ ചാരായത്തിന് 700 രൂപ നിരക്കിലായിരുന്നു വില്‍പ്പന. റെയ്ഡില്‍ പ്രിവന്റീവ് ഓഫിസര്‍ എ.രഞ്ജിത്ത് കുമാര്‍,സിവില്‍ എക്‌സൈസ് ഓഫിസര്‍മാരായ സന്തോഷ്,ശ്രികുമാര്‍,കിഷോര്‍,അനില്‍കുമാര്‍ പങ്കെടുത്തു. റെയ്ഡില്‍ 10ലിറ്റര്‍ ചാരായവും 90 ലിറ്റര്‍കോടയുംവാറ്റു ഉപകരണങ്ങളും കണ്ടെടുത്തു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.