ചണ്ഡിഗഡ്: ഹരിയാനയില്‍ കോളജ് അധ്യാപകനെ വിദ്യാര്‍ഥി വെടിവച്ച് കൊന്നു. സോനാപതിലെ ഷഹീദ് ദല്‍ബൂര്‍ സിങ് കോളജ് കാംപസില്‍ ഇന്നലെ രാവിലെയാണ് സംഭവം. കോളജിലെ ഇംഗ്ലീഷ് അധ്യാപകനായ രാജേഷാണ് കൊല്ലപ്പെട്ടത്. രാജേഷ് ഓഫിസിലിരിക്കെ വിദ്യാര്‍ഥി വെടിയുതിര്‍ക്കുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. കൊലപാതക കാരണം വ്യക്തമായിട്ടില്ല. അക്രമി ഉടന്‍ തന്നെ രക്ഷപ്പെട്ടു.