കണ്ണൂര്‍: ലോക ജലദിനത്തോടനുബന്ധിച്ച് 'കരുതി വയ്ക്കാം ജീവന്റെ തുള്ളികള്‍ നാളേക്കായ്' എന്ന പ്രമേയത്തില്‍ സുന്നി ബാലവേദി ജില്ലാ കമ്മിറ്റി ജില്ലയിലെ 750 ഓളം വരുന്ന മദ്‌റസകളില്‍ നടത്തുന്ന ജലദിന പരിപാടിയുടെ ജില്ലാതല ഉദ്ഘാടനം ഇന്ന് നടക്കും. രാവിലെ 8.30ന് കമ്പില്‍ ഖുവ്വത്തുല്‍ ഇസ്‌ലാം മറദ്‌റസയില്‍ സംസ്ഥാന സെക്രട്ടറി അഫ്‌സല്‍ രാമന്തളി ഉദ്ഘാടനം ചെയ്യും.
നസീര്‍ ദാരിമി, ഇ.വി അഷ്‌റഫ് മൗലവി, മുഹമ്മദ് ഖാസിം ഹുദവി, ടി.വി സൈദ് ഹാജി, പി. അഹമദ്, യൂസുഫ് മൗലവി, സജീര്‍ കാടാച്ചിറ സംസാരിക്കും.ജലദിനത്തോടനുബന്ധിച്ച് ജില്ലയിലെ എഴുന്നൂറോളം മദ്‌റസകളില്‍ തണ്ണീര്‍ പന്തലുകള്‍ സ്ഥാപിക്കും. കുട്ടികളില്‍ ജലത്തെക്കുറിച്ച് അവബോധം ഉണ്ടാക്കുന്നതിന്ന് ജലദിന പ്രതിജ്ഞയും പോസ്റ്റര്‍ പ്രദര്‍ശനവും സംഘടിപ്പിക്കും. മാടായി റെയ്ഞ്ചുതല ഉദഘാടനം രാവിലെ 7.30 ന് മാനേജ്‌മെന്റ് ജില്ലാ സെക്രട്ടറി വി.പി.പി ഹമീദ് നിര്‍വഹിക്കും. അബ്ദുസ്സമദ് മുട്ടം മുഖ്യ പ്രഭാഷണം നടത്തും.