കോഴിക്കോട്: ഗോത്ര സംസ്‌കൃതിയുടെ നേര്‍ക്കാഴ്ചകളും റോബോട്ടിക് ആനിമലിന്റെ അത്ഭുത ലോകവും ഒരുക്കി മലബാര്‍ മഹോത്സവം ഈമാസം 23 ന് വി.കെ ഗ്രൗണ്ടില്‍ തുടങ്ങും.
വൈകിട്ട് ആറിന് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. ആദിവാസി ഊരുകള്‍, കിണര്‍, കൃഷി തുടങ്ങിയവ മേളയിലുണ്ടാകും. റോബോട്ടിക് മൃഗങ്ങളും വനത്തിലെ പ്രതീതിയുണ്ടാക്കനെന്ന ആനിമല്‍ സോണും മേളയില്‍ ഒരുക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ പറഞ്ഞു.മെയ് മാസം വരെ പ്രദര്‍ശനം നടക്കും.
ടിക്കറ്റ് നിരക്ക് 60 രൂപയാണ്. അഞ്ചു വയസുവരെയുള്ള കുട്ടികള്‍ക്ക് പ്രവേശനം സൗജന്യമാണ്. വാര്‍ത്താ സമ്മേളനത്തില്‍ സൊസൈറ്റി പ്രസിഡന്റ് റാഫി പുതിയകടവ്, സെക്രട്ടറി എം. മന്‍സൂര്‍ സംബന്ധിച്ചു.