തിരുവനന്തപുരം: ഐ.ടി.എഫ് ഫ്യൂച്ചര്‍ ടെന്നീസ് ടൂര്‍ണമെന്റില്‍ ഡബിള്‍സ് കിരീടം ഇന്ത്യന്‍ സഖ്യത്തിന്. ടൂര്‍ണമെന്റിലെ ഒന്നാം സീഡുകാരായ ബ്രസീലിന്റെ കയോസ് സില്‍വ - തലീസ് തുരുണി സഖ്യത്തെ പരാജയപ്പെടുത്തി മൂന്നാം സീഡുകാരായ ഇന്ത്യയുടെ അര്‍ജുന്‍ ഖാദേ വിജയ് സുന്ദര്‍ സഖ്യമാണ് ഡബിള്‍സ് കിരീടം കരസ്ഥമാക്കിയത്. സ്‌കോര്‍. 7-6, 4-6, 7-10 . ഇന്ത്യന്‍ സഖ്യത്തിനുള്ള ട്രോഫി കായിക യുവജന ക്ഷേമ വകുപ്പ് ഡയറക്ടര്‍ സഞ്ജയന്‍ കുമാര്‍ ഐ.എഫ്.എസ് സമ്മാനിച്ചു.
കേരള ടെന്നീസ് അസോസിയേഷന്‍ പ്രസിഡന്റ് ജേക്കബ് സി. കള്ളിവയലില്‍, കെ.ടി.എ സെക്രട്ടറി തോമസ് പോള്‍, തിരുവനന്തപുരം ടെന്നീസ് ക്ലബ് സെക്രട്ടറി എച്ച് കൃഷ്ണമൂര്‍ത്തി, പ്രസിഡന്റ് സതീഷ് കുമാര്‍, ടൂര്‍ണമെന്റ് ഡയറക്ടര്‍ എന്‍.എസ് കൃഷ്ണ കുമാര്‍ ചടങ്ങില്‍ പങ്കെടുത്തു. ഇന്ന് നടക്കുന്ന സിംഗിള്‍സ് ഫൈനലില്‍ ഇന്ത്യന്‍ താരങ്ങളായ എന്‍ വിജയ സുന്ദര്‍ പ്രശാന്തും അര്‍ജുന്‍ ഖാദേയും ഏറ്റുമുട്ടും.