അമ്പലപ്പുഴ: വനിതാപഞ്ചായത്തംഗത്തെ ബി.ജെ.പി ബൂത്ത് പ്രസിഡന്റ് ഫോണിലൂടെ അശ്ലീലംപറഞ്ഞതായി പരാതി. ഇതിനെ ചോദ്യംചെയ്ത അംഗത്തെ ജാതിപറഞ്ഞ് ആക്ഷേപിക്കുകയും ഭീഷണിപ്പെടുത്തിയതായും പരാതിയില്‍പ്പറയുന്നു.
പുന്നപ്ര തെക്ക് പഞ്ചായത്ത് പതിനഞ്ചാം വാര്‍ഡ് ബി ജെ പി ബൂത്ത് പ്രസിഡന്റ് ആഞ്ഞിലിപ്പറമ്പില്‍ സുനില്‍കുമാര്‍(35) നെതിരെയാണ് ഇതേ വാര്‍ഡിലെ ബി ജെ പി പഞ്ചായത്തംഗം ബിന്ദുബിജു(40) ജില്ലാ പൊലീസ് മേധാവിയ്ക്ക് പരാതി നല്‍കിയത്.
വെള്ളിയാഴ്ച രാവിലെ 9 ഓടെയാണ് സുനില്‍കുമാര്‍ ഫോണില്‍ വിളിച്ച് അശ്ലീലചുവയോടെ സംസാരിച്ചത്. ഇതിനെതിരെ പ്രതികരിക്കുകയും ബി .ജെ .പി നേതൃത്വത്തെ വിവരം അറിയിക്കുകയും ചെയ്തു. എന്നാല്‍ വേണ്ട നടപടിയെടുക്കാതിരുന്നതാണ് ബിന്ദു പൊലീസിന് പരാതി നല്‍കാന്‍ കാരണം. വാര്‍ഡിലെ നിര്‍മ്മാണം പുരോഗമിക്കുന്ന റോഡ് പണി സുനില്‍കുമാറിന്റെ സുഹൃത്തുക്കളായ ചിലര്‍ എത്തി അകാരണമായി തടഞ്ഞിരുന്നു. ഇതിനെ ബിന്ദു ചോദ്യം ചെയ്തിരുന്നു. തുടര്‍ന്നാണ് തന്നെ ഫോണില്‍ വിളിച്ച് അശ്ലീലവാക്കുകള്‍ പറഞ്ഞത്.