അമ്പലപ്പുഴ: പ്രസവവാര്‍ഡിലേയക്ക് പ്രവേശിക്കുന്നത് തടഞ്ഞ സുരക്ഷാജീവനക്കാരനെ റിട്ട: എ.എസ്.ഐ മര്‍ദിച്ചതായി പരാതി.
ആലപ്പുഴ സൗത്ത് ആര്യാട് മേപ്പാറശേരില്‍ ഡേവിസ്(62) മര്‍ദ്ദിച്ചെന്ന് കാട്ടി വണ്ടാനം മെഡിക്കല്‍കോളജിലെ സുരക്ഷാജീവനക്കാരന്‍ മണ്ണാര്‍ശാല സ്വദേശി ഉണ്ണികൃഷ്ണന്‍ (49) നാണ് അമ്പലപ്പുഴ പൊലീസില്‍ പരാതി നല്‍കിയത്.
ഞായറാഴ്ച രാവിലെ 9.30 ഓടെയായിരുന്നു സംഭവം. ഡേവീസിന്റെ മകള്‍ ഇവിടെ പ്രസവാനന്തര ചികിത്സയിലായിരുന്നു. അമിതരക്തസ്രാവമുണ്ടായതിനെ തുടര്‍ന്ന് ആശുപത്രിയക്ക് പുറത്തുള്ള കടയില്‍ നിന്നും തുണിയുമായെത്തിയ ഡേവിസ് വാര്‍ഡിലേയക്ക് കടക്കാന്‍ ശ്രമിക്കുന്നതിനിടെ ഉണ്ണികൃഷ്ണന്‍ തടയുകയായിരുന്നു. ഇതിനെതുടര്‍ന്നാണ് ഇരുവരും തമ്മില്‍ വാക്കേറ്റമുണ്ടായത്.