കൊപ്പം: കര്‍മ വീഥിയില്‍ കനകംതീര്‍ക്കാന്‍ പുതിയ കരുതലും കാല്‍വെപ്പുമായി എസ്.കെ.എസ്.എസ്.എഫ് ജില്ലാ ലീഡേഴ്‌സ് അസംബ്ലി. ജില്ലാ കമ്മിറ്റി അംഗങ്ങളും ഉപസമിതി അംഗങ്ങളും പങ്കെടുത്ത ലീഡേഴ്‌സ് അസംബ്ലിയില്‍ അടുത്ത ആറ് മാസത്തേക്കുള്ള പ്രബോധന പ്രവര്‍ത്തനങ്ങള്‍ക്കുള്ള പുതിയ ഊര്‍ജമെടുത്താണ് ഓരോ അംഗവും മടങ്ങിയത്.
കൊപ്പം ദാറുല്‍ അഥ്ഫാലില്‍ നടന്ന പരിപാടിയില്‍ സയ്യിദ് ഹുസൈന്‍ തങ്ങള്‍ കൊടക്കാട് പ്രാര്‍ഥന നിര്‍വഹിച്ചു. ജില്ലാ സെക്രട്ടറി എ.എം അഷ്‌കര്‍ അലി സ്വാഗതം പറഞ്ഞു. സയ്യിദ് അബ്ദുറഹ്മാന്‍ ജിഫ്രി തങ്ങള്‍ സത്യവാചകം ചൊല്ലിക്കൊടുത്തു. സഭാ സ്പീക്കര്‍ സയ്യിദ് ഹാശിം തങ്ങള്‍ ഹുദവി അംഗങ്ങളുടെ ശ്രദ്ധ ക്ഷണിച്ചു. സി.കെ മുശ്താഖ് ശൂന്യവേളയും ഹിബത്തുല്ല മാരായമംഗലം വട്ടമേശയും നിയന്ത്രിച്ചു. സയ്യിദ് ഉമറുല്‍ ഫാറൂഖ് തങ്ങള്‍ ബജറ്റവതരണവും അന്‍വര്‍ സാദിഖ് ഫൈസി കര്‍മ്മ രേഖാവതരണവും സംസ്ഥാന സെക്രട്ടറി സത്താര്‍ പന്തല്ലൂര്‍ നയപ്രഖ്യാപനവും നടത്തി. സബ് മിഷനും അതിന്‍മേലുള്ള ചര്‍ച്ചയിലും അംഗങ്ങള്‍ പങ്കെടുത്തു. കുഞ്ഞുമുഹമ്മദ് ഫൈസി നന്ദിപ്രമേയം നടത്തി.
ടി.കെ. മുഹമ്മദ് കുട്ടി ഫൈസി, സ്വലാഹുദ്ധീന്‍ ഫൈസി, എം.എം ബഷീര്‍ മാസ്റ്റര്‍, സയ്യിദ് ഹസന്‍ തങ്ങള്‍, ഹബീബ് ഫൈസി, മുസ്തഫ അഷ്‌റഫി, ഡോ. അബ്ദുല്‍ മജീദ്, അബ്ദുല്‍ഖാദര്‍ ഫൈസി, സയ്യിദ് ശിഹാബുദ്ധീന്‍ ജിഫ്രി തങ്ങള്‍, ഷമീര്‍ ഫൈസി, ആരിഫ് ഫൈസി, സലാം അഷ്‌റഫി, ഇ. മുസ്തഫ മാസ്റ്റര്‍, സമദ് മാസ്റ്റര്‍ അസംബ്ലിക്ക് നേതൃത്വം നല്‍കി. വിവിധ മേഖലകളില്‍ മികവ് പുലര്‍ത്തിയ അസ്‌കറലി കരിമ്പ, മുഹമ്മദ് സവാദ്, സലാം അഷ്‌റഫി, ജലീല്‍ അസ്‌ലമി, ഫാറൂഖ് മൗലവി, മുഹമ്മദ് ശിഹാബ് എന്നിവരെ അനുമോദിച്ചു.