കോഴിക്കോട്: സ്റ്റേറ്റ് എംപ്ലോയിസ് യൂനിയന്റെ 36ാം സംസ്ഥാന സമ്മേളനം ഏപ്രില്‍ 27,28,29 തിയതികളില്‍ കോഴിക്കോട് ടാഗോര്‍ ഹാളില്‍ (ശിഹാബ് തങ്ങള്‍ നഗര്‍) നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍, പ്രതിപക്ഷ നേതാവ് രമേശ് ചെന്നിത്തല തുടങ്ങിയവര്‍ പങ്കെടുക്കും. സമ്മേളന സ്വാഗത സംഘം ഓഫിസ് കോഴിക്കോട് കൂരിയാല്‍ ലൈനില്‍ മുസ്‌ലിം ലീഗ് ജില്ലാ പ്രസിഡന്റ് ഉമര്‍ പാണ്ടികശാല ഉദ്ഘാടനം ചെയ്തു.
ചടങ്ങില്‍ എസ്.ഇ.യു സംസ്ഥാന സെക്രട്ടറി മുഹമ്മദ് മുസ്തഫ സ്വാഗതം പറഞ്ഞു. എസ്.ഇ.യുസംസ്ഥാന പ്രസിഡന്റ് എ.എം.അബൂബക്കര്‍ അധ്യക്ഷനായി. കെ.മൊയ്തീന്‍ കോയ, അബ്ദുല്‍ ഗഫൂര്‍ പന്തീര്‍പ്പാടം, ഹനീഫ പനായി, അബ്ദുല്ല അരയങ്കോട്, സജ്ജാദ്, അശ്‌റഫ് മാവൂര്‍, നദീര്‍ , ഷംസുദ്ദീന്‍ നടുവണ്ണൂര്‍, നിസാര്‍ മാവൂര്‍, നംഷീദ് രാമനാട്ടുകര പങ്കെടുത്തു.