മാഡ്രിഡ്: സ്‌പെയിനിന് വേണ്ടി 150 അന്താരാഷ്ട്ര മത്സരം പൂര്‍ത്തിയാക്കി സെര്‍ജിസോ റാമോസ്. കഴിഞ്ഞ ദിവസം അര്‍ജന്റീനക്കെതിരായിരുന്നു റാമോസിന്റെ 150മത്തെ മത്സരം. റാമോസ് 150 എന്ന എഴുതിയ ജഴ്‌സി സമ്മാനിച്ചുകൊണ്ട് സ്പാനിഷ് ഫുട്‌ബോള്‍ അധികൃതര്‍ റാമോസിനെ അഭിനന്ദിച്ചു. സ്പാനിഷ് ഫുട്‌ബോള്‍ ഫെഡറേഷന്‍ പ്രതിനിധി മര്‍സലീഞ്ഞോ മറ്റൊയാണ് ജഴ്‌സി സമ്മാനിച്ചത്. 2005ല്‍ ചൈനക്കെതിരേ രണ്ടാം പകുതിയില്‍ പകരക്കാരനായി ഇറങ്ങിയായിരുന്നു റാമോസിന്റെ അരങ്ങേറ്റം. 2010ലെ ലോകകപ്പ്, 2008ലും 2012ലും യൂറോ കപ്പ് എന്നിവ നേടിയപ്പോഴും റാമോസ് സ്‌പെയിന്‍ സംഘത്തിലുണ്ടായിരുന്നു.