ഇന്‍ഡിഗോയുടെ നെറ്റ്‌വര്‍ക്കിലും സോഫ്റ്റ്‌വെയറിലുമുണ്ടായ തകരാറിനെ തുടര്‍ന്ന് വിമാനസര്‍വിസുകള്‍ താളം തെറ്റി. യാത്രക്കാരുടെ പരിശോധനകള്‍ വൈകിയതോടെ വിമാനത്താവളങ്ങളില്‍ ജനത്തിരക്കും ഉണ്ടായി.

ശനിയാഴ്ച ഉച്ചയോടെയാണ് പ്രശ്‌നങ്ങള്‍ തുടങ്ങിയത്. സോഫ്റ്റ് വെയര്‍ താത്കാലികമായി തടസപ്പെട്ടിരിക്കുകയാണെന്ന് കമ്പനി അറിയിച്ചു. വിമാനത്താവളങ്ങളില്‍ കൂടുതല്‍ സമയം യാത്രക്കാര്‍ക്ക് കാത്തിരിപ്പ് നേരിടേണ്ടിവരുമെന്നും സാമൂഹ്യമാധ്യമമായ എക്‌സിലൂടെ അധികൃതര്‍ മുന്നറിയിപ്പ് നല്‍കിയിട്ടുണ്ട്.

വിമാനത്താവളങ്ങളില്‍ ആളുകളെ സഹായിക്കാന്‍ തങ്ങളുടെ ടീമുകള്‍ സജ്ജമാണെന്നും കഴിയുന്നത്ര വേഗത്തില്‍ സാധാരണ നില പുനഃസ്ഥാപിക്കാനുള്ള ശ്രമങ്ങള്‍ തുടരുകയാണെന്നും ഇന്‍ഡിഗോ അറിയിച്ചു. 'ഈ സമയത്ത് ഉണ്ടായ അസൗകര്യത്തില്‍ ഞങ്ങള്‍ ഖേദിക്കുന്നു, നിങ്ങളുടെ ക്ഷമയെ അഭിനന്ദിക്കുന്നു,' കമ്പനി കൂട്ടിച്ചേര്‍ത്തു.

Technical Glitch Disrupts IndiGo Flight Services, Passengers Stranded