ചങ്ങനാശേരി: ബജറ്റില്‍ പറയുന്ന ഷീ ലോഡ്ജ് നിര്‍മിക്കുന്നത് സംബന്ധിച്ച് ആശങ്ക. ഇത് എവിടെ നിര്‍മിക്കും എന്ന സംശയമാണ് ആശങ്കക്ക് കാരണം.
ഷീ ലോഡ്ജ് നിര്‍മിക്കുമെന്നല്ലാതെ എവിടെ നിര്‍മിക്കുമെന്ന് പറയുന്നില്ല. എന്നാല്‍ നിലവിലുള്ള നഗരസഭയുടെ കീഴിലുള്ള വര്‍ക്കിംഗ് വുമണ്‍സ് ഹോസ്റ്റല്‍ പൊളിച്ചുകളഞ്ഞ് അവിടെ തന്നെ പുതിയതായി ഷീ ലോഡ്ജ് പണിയാമെന്ന് ഭരണകക്ഷിക്കാര്‍ പറയുന്നു. ഇതിനുവേണ്ടി 30 ലക്ഷം രൂപ വകയിരിത്തിയിരിക്കുന്നത്. നിലവിലുള്ള സംവിധാനം പൊളിച്ചു കളഞ്ഞതിനുശേഷം അവിടെ പുതിയത് പണിയേണ്ടത് ആവശ്യമാണോയെന്നും നഗരസഭയ്ക്ക് വേറെ സ്ഥലങ്ങളുണ്ടെന്നും ഷീ ലോഡ്ജ് അവിടെ പണിയാമെന്നും നഗരസഭ പ്രതിപക്ഷ നേതാവ് പറഞ്ഞു. നിലവിലുള്ള ലോഡ്ജില്‍ ഇല്ലാത്ത സൗകര്യങ്ങള്‍ ഉണ്ടാക്കിയെടുത്താല്‍ മതിയെന്നും 30ലക്ഷം രൂപ കൊണ്ട് ഇന്നത്തെ സാഹചര്യത്തില്‍ പുതിയ ലോഡ്ജ് നിര്‍മ്മിക്കാന്‍ കഴിയില്ലെന്നും പ്രതിപക്ഷനേതാവ് പറഞ്ഞു.