കോഴിക്കോട്: സുപ്രസിദ്ധ സൂഫീവര്യനും ആത്മീയാചാര്യനുമായിരുന്ന അശ്ശൈഖ് മുഹമ്മദു ബ്‌നു അലാഇദ്ദീനില്‍ ഹിംസി (റ) തങ്ങള്‍ അന്ത്യവിശ്രമം കൊള്ളുന്ന കോഴിക്കോട് ഇടിയങ്ങര ശൈഖ് പള്ളിയോട് ചേര്‍ന്നുള്ള സ്ഥലമെടുപ്പ് പദ്ധതി വിജയിപ്പിക്കാനുള്ള പാണക്കാട് സയ്യിദ് ഹൈദരലി ശിഹാബ് തങ്ങളുടെയും സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുടെയും ആഹ്വാനം മഹല്ല് ജമാഅത്ത് ഭാരവാഹികളും ഖത്വീബുമാരും ഏറ്റെടുത്ത് വിജയിപ്പിക്കണമെന്ന് സമസ്ത നേതാക്കള്‍ അറിയിച്ചു.
എല്ലാ മഹല്ലുകളില്‍ നിന്നും ജുമുഅ നിസ്‌കാരാനന്തരം പ്രത്യേകം പിരിവെടുത്ത് പദ്ധതി വിജയിപ്പിക്കണം.
എസ്.കെ.എസ്.എസ്.എഫ്, എസ്.വൈ.എസ്, ജംഇയ്യത്തുല്‍ മുഅല്ലിമീന്‍, ജംഇയ്യത്തുല്‍ ഖുത്വബാഅ്, സുന്നി മഹല്ല് ഫെഡറേഷന്‍, ജംഇയ്യത്തുല്‍ മുദരിസീന്‍ എന്നീ സമസ്തയുടെ കീഴ്ഘടകങ്ങളുടെ പ്രവര്‍ത്തകര്‍ സജീവമായി രംഗത്തിറങ്ങണമെന്നും നേതാക്കളായ പാണക്കാട് സയ്യിദ് ഹമീദലി ശിഹാബ് തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സി.കെ.എം.സ്വാദിഖ് മുസ്‌ലിയാര്‍, പി.പി.ഉമര്‍ മുസ്‌ലിയാര്‍ കൊയ്യോട്, ഉമര്‍ ഫൈസി മുക്കം, എ.വി.അബ്ദുറഹ്മാന്‍ മുസ്‌ലിയാര്‍ എന്നിവര്‍ അഭ്യര്‍ഥിച്ചു.