വാഷിങ്ടന്‍: മാഞ്ചസ്റ്റര്‍ യുനൈറ്റഡ് വിട്ട് അമേരിക്കയിലെ മേജര്‍ ലീഗ് സോക്കര്‍ ടീം ലോസ് ആഞ്ചലസ് ഗാലക്‌സിയിലേക്ക് ചേക്കേറിയ സ്ലാട്ടന്‍ ഇബ്രാഹിമോവിച് അരങ്ങേറ്റം അവിസ്മരണീയമാക്കി.
അരങ്ങേറ്റ പോരാട്ടത്തില്‍ ഇരട്ട ഗോളുകള്‍ നേടി താരം ടീമിന്റെ വിജയത്തില്‍ നിര്‍ണായക പങ്ക് വഹിച്ചു. ലോസ് ആഞ്ചലസ് എഫ്.സിയുമായുള്ള പോരാട്ടത്തില്‍ 4-3നാണ് ഗാലക്‌സി വിജയം സ്വന്തമാക്കിയത്. മൂന്ന് ഗോളിന് പിന്നില്‍ നിന്ന ശേഷമാണ് ഇബ്രയുടെ ഇരട്ട ഗോള്‍ ബലത്തില്‍ ടീം തിരിച്ചടിച്ച് വിജയം പിടിച്ചത്.