കൊച്ചി: ആലുവ തോട്ടുമുഖത്ത് ഇലക്ട്രോണിക് കടയില്‍ വന്‍ തീപ്പിടിത്തം. ഐ ബെല്‍ എന്ന കമ്പനിയുടെ ഉല്‍പ്പന്നങ്ങള്‍ വില്‍ക്കുന്ന കടയുടെ മുകളിലത്തെ നിലയിലാണ് തീപിടിത്തമുണ്ടായത്.

വലിയ തോതില്‍ ഇലക്ട്രോണിക് സാധനങ്ങള്‍ കത്തി നശിച്ചു. അതേസമയം ആളപായമോ പരുക്കുകളോ റിപ്പോര്‍ട്ട് ചെയ്തിട്ടില്ല. ഇലക്ട്രോണിക് സാധനങ്ങള്‍ വലിയ തോതില്‍ കത്തിനശിച്ചുവെന്നാണ് വിവരം. മണിക്കൂറുകള്‍ എടുത്താണ് സ്ഥലത്തെത്തിയ അഗ്‌നിരക്ഷാ സേന തീ നിയന്ത്രണവിധേയമാക്കിയത്.