കണ്ണൂര്‍: എ.ഡി. എം നവീന്‍ ബാബു ആത്മഹത്യ ചെയ്ത സംഭവത്തില്‍ കണ്ണൂര്‍ ജില്ലാ പഞ്ചായത്ത് മുന്‍ പ്രസിഡന്റ് പി.പി ദിവ്യയെ പൂര്‍ണമായും തള്ളാതെ കണ്ണൂരിലെ സി.പി.എം ജില്ലാ സെക്രട്ടറി എം.വി ജയരാജന്‍. നവീന്‍ ബാബുവിന്റെ മരണത്തില്‍ സമഗ്രമായ അന്വേഷണം വേണമെന്നാണ് പാര്‍ട്ടി നിലപാടെന്ന് എം.വി ജയരാജന്‍ പറഞ്ഞു. പെരിങ്ങോം ഏരിയ സമ്മേളനത്തില്‍ സംസാരിക്കുകയായിരുന്നു അദ്ദേഹം. 

കൈക്കൂലി ആരോപണത്തില്‍ രണ്ട് പക്ഷമുണ്ട്. ദിവ്യയേയോ നവീന്‍ ബാബുവിന്റെ കുടുംബത്തെയോ തള്ളുകയോ കൊള്ളുകയോ ചെയ്യേണ്ട ആവശ്യമില്ലെന്നും എം.വി ജയരാജന്‍ പറഞ്ഞു. 

എ.ഡി.എമ്മിന്റെ കുടുംബത്തെ മരണം സംഭവിച്ച കുടുംബമെന്ന നിലയില്‍ അവര്‍ക്കൊപ്പം നിന്ന് ഐക്യദാര്‍ഢ്യം അറിയിച്ച് പാര്‍ട്ടി എടുക്കേണ്ട സംഘടനാപരമായ നടപടിയാണ് കൈക്കൊണ്ടത്. എ.ഡി.എം കൈക്കൂലി വാങ്ങിയെന്ന് ഒരു കൂട്ടര്‍ പറയുന്നു, ഇല്ലെന്ന് മറ്റൊരു കൂട്ടര്‍ പറയുന്നു. നിജസ്ഥിതി നാടിന് അറിയേണ്ടതുണ്ട്.''- ജയരാജന്‍ പറഞ്ഞു.