കോട്ടയം: ഏറ്റുമാനൂരില്‍ നിന്നും കാണാതായ കോളജ് വിദ്യാര്‍ഥിയെ  മരിച്ച നിലയില്‍ കണ്ടെത്തി.  ഏറ്റുമാനൂര്‍ സ്വദേശി സുഹൈല്‍ നൗഷാദി(18)ന്റെ മൃതദേഹമാണ് പേരൂര്‍ ഭാഗത്തെ മീനച്ചിലാറ്റില്‍ നിന്ന് കിട്ടിയത്. 

കഴിഞ്ഞ വ്യാഴാഴ്ച മുതലാണ് വിദ്യാര്‍ത്ഥിയെ കാണാതായത്. ബന്ധുക്കളുടെ പരാതിയുടെ അടിസ്ഥാനത്തില് പൊലിസ് അന്വേഷണം പുരോഗമിക്കെയാണ് മൃതദേഹം കണ്ടെത്തിയത്. പൊലീസ് നടത്തിയ അന്വേഷണത്തില്‍ സുഹൈല്‍  ആറിന്റെ തീരത്തേക്ക് നടന്നുപോകുന്ന സിസിടിവി ദൃശ്യങ്ങള്‍ കിട്ടിയിരുന്നു. മൊബൈല്‍ ഫോണ്‍ സ്വിച്ച് ഓഫ് ആയതിനാല്‍ ടവര്‍ ലൊക്കേഷന്‍ കേന്ദ്രീകരിച്ചുള്ള അന്വേഷണം തടസപ്പെട്ടിരുന്നു. മരണം സംബന്ധിച്ച് പൊലീസ് അന്വേഷണം തുടങ്ങി. മൃതദേഹം കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.