ബംഗളൂരു: വോട്ടര്‍ തിരിച്ചറിയല്‍ കാര്‍ഡ് ആധാറുമായി ബന്ധിപ്പിക്കേണ്ടെന്ന് കേന്ദ്ര ഐ.ടി മന്ത്രി രവിശങ്കര്‍ പ്രസാദ്. വ്യക്തിപരമായി വോട്ടര്‍ തി രിച്ചറിയല്‍ കാര്‍ഡിനെ ആധാറുമായി ബന്ധിപ്പിക്കുന്നതിനോട് യോജിപ്പില്ലെന്നും ഐ.ടി മന്ത്രി എന്ന നിലയിലല്ല താന്‍ ഈ അഭിപ്രയം പറയുന്നതെന്നും രവിശങ്കര്‍ പറഞ്ഞു.
ബംഗളൂരുവില്‍ നടന്ന പൊതു പരിപാടിയില്‍ സംസാരിക്കുകയായിരുന്നു അദ്ദേഹം. ജനങ്ങളെ രഹസ്യമായി നിരീക്ഷിക്കുന്നവരാണെന്ന ആരോപണം നേരിടാന്‍ സര്‍ക്കാര്‍ തയാറല്ല. അങ്ങനെ ചെയ്യുകയാണെങ്കില്‍ കഴിക്കുന്ന ഭക്ഷണത്തിലും സിനിമ കാണുന്നതിലും പ്രധാനമന്ത്രി നരേന്ദ്ര മോദി ഇടപെടുന്നുവെന്ന് നമ്മുടെ ശത്രുക്കള്‍ പറയുമെന്ന് അദ്ദേഹം പറഞ്ഞു.