കോഴിക്കോട് : കോഴിക്കോട് വിജിലന്‍സ് ആന്‍ഡ് ആന്റി കറപ്ഷന്‍ ബ്യൂറോ എസ്.പി സുനില്‍ ബാബു (52)ഹൃദയാഘാതത്തെ തുടര്‍ന്ന് മരിച്ചു. കണ്ണൂര്‍ കടമ്പൂര്‍ സ്വദേശിയാണ്. തിങ്കളാഴ്ച വൈകിട്ട് ഏഴിനായിരുന്നു സംഭവം. മക്രേരിയിലുള്ള കൃഷിയിടത്തില്‍ പോയി തിരിച്ചു വരുമ്പോഴായിരുന്നു ദേഹാസ്വാസ്ഥ്യം അനുഭവപ്പെട്ടത്. ഉടന്‍ പെരളശ്ശേരിയിലെ സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.
പരേതനായ കണ്ണന്റെയും യശോദയുടെയും മകനാണ്. ഭാര്യ: സുനിത (അധ്യാപിക, സിറ്റി ഗവ. ഹയര്‍ സെക്കന്‍ഡറി സ്‌കൂള്‍), മക്കള്‍: അശ്വിന്‍ (വിദ്യാര്‍ഥി, ആസ്‌ത്രേലിയ), അക്ഷയ് (വിദ്യാര്‍ഥി, മംഗളൂരു). സഹോദരങ്ങള്‍: സുധര്‍മ്മന്‍ (ആര്‍മി, ഡല്‍ഹി), സവിത, ഇന്ദിര, റീത്ത.