നെയ്യാറ്റിന്‍കര: വേനല്‍ കടുത്തതോടെ നെയ്യാറ്റിന്‍കരയുടെ വിവിധ ഭാഗങ്ങളില്‍ ചിക്കന്‍ പോക്‌സ് പടര്‍ന്നു പിടിക്കുന്നതായി റിപ്പോര്‍ട്ട്. കഴിഞ്ഞ ഒരു മാസത്തിനുളളില്‍ നെയ്യാറ്റിന്‍കര ജനറല്‍ ആശുപത്രിയില്‍ മാത്രം നൂറിലേറെ പേര്‍ ചികിത്സ തേടിയാതായിട്ടാണ് സൂചന.
താലൂക്കിലെ പെരുമ്പഴുതൂര്‍, ചെമ്പരത്തിവിള, തൊഴുക്കല്‍, ചെറുവാരക്കോണം തുടങ്ങിയ ഭാഗങ്ങളിലും പൂഴനാട്, മൈലച്ചല്‍, ആര്യങ്കോട് തുടങ്ങിയ സ്ഥലങ്ങളിലും നിരവധി പേര്‍ക്ക് രോഗം ബാധിച്ചിട്ടുണ്ട്.
ചിക്കന്‍ പോക്‌സിനു പുറമേ ചിക്കന്‍ഗുനിയ ബാധിച്ചും നിരവധി പേര്‍ ചികിത്സ തേടിയിട്ടുണ്ട്. എന്നാല്‍ നെയ്യാറ്റിന്‍കര ജനറല്‍ ആശുപത്രിയില്‍ രോഗികള്‍ക്ക് ആവശ്യത്തിനു വേണ്ട പരിചരണം ലഭിക്കുന്നില്ലെന്നും പരാതിയുണ്ട്.