തിരുവനന്തപുരം: മുന്‍ റേഡിയോ ജോക്കിയായ രാജേഷിനെ വെട്ടിക്കൊലപ്പെടുത്തിയ കേസില്‍ ഒരാള്‍ കൂടി പിടിയില്‍. കായംകുളം സ്വദേശിയായ എന്‍ജിനീയര്‍ യാസിന്‍ മുഹമ്മദാണ് പൊലിസ് പിടിയിലായത്. പ്രതികളെ ബംഗളൂരുവിലേക്ക് രക്ഷപ്പെടാന്‍ സഹായിച്ചതും കൃത്യം നടത്താന്‍ ഉപയോഗിച്ചിരുന്ന വാഹനം വഴിയിലുപേക്ഷിച്ചതും യാസീനാണെന്ന് പൊലിസ് പറഞ്ഞു.

കൊലപാതകത്തില്‍ ഗൂഡാലോചനയുടെയും പണം കൈമാറ്റത്തിന്റെയും തെളിവുകള്‍ പൊലിസ് ലഭിച്ചു. കേസില്‍ സത്താര്‍, അലിഭായി എന്നിവരെ പ്രതി ചേര്‍ത്ത് റിപ്പോര്‍ട്ട് കോടതിയില്‍ സമര്‍പ്പിക്കുമെന്ന് പൊലിസ് പറഞ്ഞു.