പാരിസ്: ഔദ്യോഗിക സന്ദര്‍ശനത്തിന്റെ ഭാഗമായി സഊദി കിരീടാവകാശി ഫ്രാന്‍സിലെത്തി. അമേരിക്കയില്‍ നടത്തിയ പര്യടനത്തിനു പിറകെയാണ് ഫ്രഞ്ച് സന്ദര്‍ശനം. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണുമായി അദ്ദേഹം കൂടിക്കാഴ്ച നടത്തും.
രണ്ടു ദിവസം നീണ്ടുനില്‍ക്കുന്ന സന്ദര്‍ശനത്തില്‍ മാക്രോണിനു പുറമെ പ്രമുഖ ഫ്രഞ്ച് വൃത്തങ്ങളുമായും അദ്ദേഹം സംസാരിക്കും. ഇറാന്‍ ആണവ കരാര്‍, സിറിയ-യമന്‍ ആഭ്യന്തര യുദ്ധം, ഖത്തര്‍ പ്രശ്‌നങ്ങള്‍ തുടങ്ങിയവയാകും കൂടിക്കാഴ്ചയില്‍ പ്രധാന ചര്‍ച്ചാ വിഷയമാകുകയെന്നാണു കരുതപ്പെടുന്നത്. ഇരുരാജ്യങ്ങളും തമ്മിലുള്ള വിനോദസഞ്ചാര പദ്ധതികളുടെ കാര്യത്തിലും തീരുമാനമാകും. ഫ്രാന്‍സില്‍ വിവിധ സാംസ്‌കാരിക പരിപാടികള്‍, രാഷ്ട്രീയ യോഗങ്ങള്‍, സാമ്പത്തിക ഫോറം എന്നിവയിലും കിരീടാവകാശി പങ്കെടുക്കുന്നുണ്ട്.
മാക്രോണിന്റെ പ്രത്യേക ക്ഷണപ്രകാരമാണു കിരീടാവകാശിയുടെ ഫ്രഞ്ച് സന്ദര്‍ശനം.