കണ്ണൂര്‍: വെട്ടേറ്റ് മരിച്ച യൂത്ത് കോണ്‍ഗ്രസ് മട്ടന്നൂര്‍ ബ്ലോക് വൈസ് പ്രസിഡന്റ് ശുഹൈബിന്റെ കുടുംബത്തെ സഹായിക്കുന്നതിന് കോണ്‍ഗ്രസ് സമാഹരിച്ച തുക എ.കെ ആന്റണി ശുഹൈബിന്റെ പിതാവിന് കൈമാറി.
92,08,437 രൂപയാണ് എം.എം ഹസന്‍ നയിക്കുന്ന ജനമോചനയാത്രക്ക് കണ്ണൂര്‍ സ്‌റ്റേഡിയം കോര്‍ണറില്‍ നല്‍കിയ സ്വീകരണത്തില്‍ എ.കെ ആന്റണി കൈമാറിയത്. അക്രമത്തില്‍ പരുക്കേറ്റ നൗഷാദിന് അഞ്ച് ലക്ഷവും റിയാസിന് ഒരു ലക്ഷം രൂപയും എ.കെ ആന്റണി നല്‍കി. ഷുഹൈബിനെ കുറിച്ച് കെ.പി.സി.സി നിര്‍മ്മിച്ച 'ഷുഹൈബ് എന്ന പോരാളി' എന്ന ഡോക്യുമെന്ററിയുടെ വീഡിയോ യൂടൂബ് റീലിസിങും എ.കെ.ആന്റണി നിര്‍വഹിച്ചു. ഡോക്യുമെന്ററിയുടെ ആദ്യകോപ്പി ഷുഹൈബിന്റെ പിതാവിന് കെ.പി.സി.സി പ്രസിഡന്റിന് കൈമാറി. പി.ടി.ചാക്കോയാണ് ഡോക്യൂമെന്റി സംവിധാനം ചെയ്തിരിക്കുന്നത്.