കാലിഫോര്‍ണിയ: കോപ്പ അമേരിക്ക ഫുട്‌ബോളിന്റെ ഉദ്ഘാടന മല്‍സരത്തില്‍ യുഎസിനെതിരെ കൊളംബിയക്ക് രണ്ടു ഗോള്‍ ജയം.ക്രിസ്റ്റ്യന്‍ സപാറ്റയുയും ജയിംസ് റോഡ്രിഗസുമാണ് കൊളംബിയയ്ക്കായി ഗോള്‍ നേടിയത്.

തീര്‍ത്തും മങ്ങിയ പ്രകടനമാണ് ആതിഥേയര്‍ കാഴ്ച്ച വെച്ചത്. ആദ്യ പകുതിയില്‍ തന്നെ കൊളംബിയയുടെ രണ്ട് ഗോളുകളും പിറന്നു.

എട്ടാം മിനിറ്റില്‍ ക്രിസ്റ്റ്യന്‍ സപാറ്റയാണ് ആദ്യ ഗോള്‍ നേടിയത്. സപാറ്റയുടെ ആദ്യ രാജ്യാന്തര ഗോളാണിത്. 41ാം മിനിറ്റില്‍ പെനാല്‍റ്റിയിലൂടെ ജയിംസ് റോഡ്രിഗസ് ആണ് രണ്ടാം ഗോള്‍ നേടിയത്.