ഓസീസിനെ അട്ടിമറിച്ച് വനിതാ ടി20 ലോകകപ്പ് ദക്ഷിണാഫ്രിക്ക ഫൈനലിൽ. സെമിഫൈനലിൽ ഓസ്‌ട്രേലിയക്കെതിരെ എട്ട് വിക്കറ്റ് വിജയമാണ് ദക്ഷിണാഫ്രിക്ക സ്വന്തമാക്കിയത്. ആദ്യം ബാറ്റിങ്ങിനിറങ്ങിയ ഓസ്‌ട്രേലിയ അഞ്ച് വിക്കറ്റ് നഷ്ടത്തിൽ 134 റൺസാണ് നേടിയത് അതിനെ ദക്ഷിണാഫ്രിക്ക 17.2 ഓവറിൽ രണ്ട് വിക്കറ്റ് നഷ്ടത്തിൽ മറികടന്നു. ലോകകപ്പ് തുടങ്ങിയ 2009 മുതൽ ഇതാദ്യമായാണ് ഓസ്‌ട്രേലിയ ടി20 ലോകകപ്പ് ഫൈനൽ കാണാത ഓസീസ് പുറത്താകുന്നത്.

42 പന്തിൽ 44 റൺസെടുത്ത ബെത്ത് മൂണിയാണ് ഓസീസ് ബാറ്റിങ് നിരയിയെ ഭേദപ്പെട്ട സ്കോറിലേക്ക് എത്തിച്ചത് . 33 പന്തിൽ 27 റൺസ് നേടിയ തഹ്‌ലിയ മഗ്രാത്തും പിന്തുണ നൽകിയെങ്കിലും ഇരുവർക്കും ടി20 ശൈലിയിൽ സ്കോർ കണ്ടെത്താനായില്ല. എന്നാൽ ശേഷം വന്ന എലീസ് പെറി 23 പന്തിൽ 31 റൺസ് നേടിയും ഫോബെ ലീച് ഫീൽഡ് 9 പന്തിൽ 16 റൺസും നേടിയും ഓസ്‌ട്രേലിയയെ മാന്യമായ സ്കോറിലെത്താൻ സഹായിച്ചു.

മറുപടി ബാറ്റിങിന്റെ തുടക്കത്തിൽ തന്നെ 15 റൺസ് നേടിയ ടാസ്‌മിനെ നഷ്ടമായെങ്കിലും അന്നെകെ ബോഷും ലോറ വോൾവർഡറ്റും ചേർന്ന് ദക്ഷിണാഫ്രിക്കയെ ചരിത്ര വിജയത്തിലേക്ക് നയിക്കുകയായിരിക്കുന്നു. ലോറ 42 റൺസും ബോഷ് 74 റൺസും നേടി.