കോഴിക്കോട്: മഹാകവി ഉള്ളൂരിന്റെ 140-ാം ജന്മദിനാഘോഷ പരിപാടികള്‍ക്ക് വര്‍ണാഭമായ തുടക്കം. പ്രവാസി വെല്‍ഫെയര്‍ കള്‍ച്ചറല്‍ സൊസൈറ്റിയുടെയും ഉള്ളൂര്‍ സ്മരാക സമിതിയുടെയും ആഭിമുഖ്യത്തില്‍ സംഘടിപ്പിച്ച ചടങ്ങ് കോഴിക്കോട് സ്‌പോര്‍ട്‌സ് കൗണ്‍സില്‍ ഹാളില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ഉള്ളൂര്‍ പഠന-ഗവേഷണ കേന്ദ്രം പ്രൊജക്ട് ഉദ്ഘാടനം ഡോ. ഖദീജാ മുംതാസ് നിര്‍വഹിച്ചു. സാഹിത്യ രംഗത്തെ മികവിന് കവി സഹീര്‍ ഒളവണ്ണ, കെ. വരദേശ്വരി, എന്‍.എം രവീന്ദ്രനാഥ് എന്നിവരെ ചടങ്ങില്‍ ഉള്ളൂരിന്റെ പൗത്രന്‍ പ്രൊഫ. ഉള്ളൂര്‍ എം. പരമേശ്വരന്‍ ആദരിച്ചു. ഉള്ളൂര്‍ സ്മാരക സമിതി ചെയര്‍മാന്‍ ആറ്റക്കോയ പള്ളിക്കണ്ടി അധ്യക്ഷനായി. കെ.എഫ് ജോര്‍ജ്, സണ്ണി ജോസഫ്, മലയത്ത് അപ്പുണ്ണി, പ്രൊഫ. വര്‍ഗീസ് മാത്യു, പ്രൊഫ. കെ. ശകുന്തള, ടി.കെ.ഡി മുഴുപ്പിലങ്ങാട്, രത്‌നാ സുധാകരന്‍, പി. അനില്‍ബാബു, സഹീര്‍ ഒളവണ്ണ, കെ. വരദേശ്വരി, എന്‍.എം രവീന്ദ്രനാഥ്, കെ.പി അബൂബക്കര്‍ സംസാരിച്ചു. ജന്മദിനാഘോഷ പരിപാടികള്‍ 11 വരെ നീണ്ടുനില്‍ക്കും.