പടിഞ്ഞാറങ്ങാടി: പള്ളിപ്പുറം ഗള്‍ഫില്‍ അപകടത്തില്‍ പെട്ട് മാരകമായ പരുക്കുകളോടെ ചികിത്സയില്‍ കഴിയുന്ന സുശീലപ്പടിയില്‍ താമസിക്കുന്ന തിരുത്തില്‍ ആലിക്കുട്ടി മകന്‍ സാഹിദിന്റെ ചികിത്സാ ചെലവിലേക്ക് തൃത്താല മണ്ഡലം ഖത്തര്‍ കെ.എം.സി.സി സ്വരൂപിച്ച ഫണ്ട് പരുതൂര്‍ പഞ്ചായത്ത് മുസ്ലീം ലീഗ് നേതാക്കന്മാരുടെ സാന്നിധ്യത്തില്‍ ഖത്തര്‍ കെ.എം.സി.സി ജില്ലാ പ്രസിഡന്റ് കെ.വി മുഹമ്മദ് മഹല്ല് പ്രസിഡന്റ് പി.കെ മുഹമ്മദ് കുട്ടി മുസ്്‌ലിയാര്‍ക്കും, പരുതൂര്‍ കല്ലേകളത്തില്‍ ലക്ഷ്മിയുടെ വീട് പുനരുദ്ധാരണത്തിനുള്ള ഫണ്ട് പഞ്ചായത്ത് മുസ്ലീം ലീഗ് സെക്രട്ടറി മുസ്തഫ പരുതൂരിനും കൈമാറി.യോഗത്തില്‍ ടി.കെ ചേക്കുട്ടി, പി.ടി.എം ഫിറോസ്, ഖത്തര്‍ കെ.എം.സി.സി മണ്ഡലം വൈ: പ്രസിഡണ്ട് അസര്‍ പള്ളിപ്പുറം, ടി.പിലത്തീഫ്, ടി. കുഞ്ഞിപ്പ, ബഷിര്‍മാസ്റ്റര്‍, യൂസഫ്‌ഫൈസി, അബ്ദുറഹിമാന്‍ ,സൈഫുകരിയന്നൂര്‍, ടി. മാനുട്ടി, എം.കെ സുഹൈര്‍, എം.കെ ആസിഫ് സംബന്ധിച്ചു.