നീലേശ്വരം: പടന്നക്കാട് നെഹ്‌റു കോളജിലെ പ്രിന്‍സിപ്പല്‍ ഡോ. പി.വി പുഷ്പജയ്ക്ക് ആദരാഞ്ജലി ബോര്‍ഡ് വച്ച സംഭവത്തില്‍ സസ്‌പെന്‍ഷനിലായ വിദ്യാര്‍ഥികള്‍ പരീക്ഷയെഴുതി.എസ്.എഫ്.ഐ ജില്ലാ കമ്മിറ്റി അംഗവും രണ്ടാം വര്‍ഷ ബിരുദ വിദ്യാര്‍ഥിയുമായ മുഹമ്മദ് അനീസ്, എം.പി പ്രവീണ്‍ എന്നിവരാണ് സര്‍വകലാശാലയുടെ അനുവാദത്തോടെ പരീക്ഷ എഴുതിയത്. പരീക്ഷ എഴുതണമെങ്കില്‍ 75 ശതമാനം ഹാജര്‍ വേണമെന്നിരിക്കെ ഇരുവര്‍ക്കും 50 ശതമാനം മാത്രമേ ഉള്ളു എന്ന കാരണം പറഞ്ഞ് ഇവരെ പരീക്ഷ എഴുതാന്‍ അനുവദിക്കരുതെന്ന് കാട്ടി കോളജ് അധികൃതര്‍ സര്‍വകലാശാലക്ക് കത്ത് നല്‍കിയിരുന്നു. പ്രിന്‍സിപ്പാളിന്റെ യാത്രയയപ്പ് ദിനത്തിലായിരുന്നു അവര്‍ക്ക് ആദരാഞ്ജലി അര്‍പിച്ച് കോളജില്‍ പോസ്റ്റര്‍ പതിച്ചത്.