രാജപുരം: ചിക്കന്‍പോക്‌സ് പിടിപെട്ട് വീട്ടില്‍ വിശ്രമിക്കുന്ന പൊലിസുകാരനെ മെഡിക്കല്‍ അവധിയെടുത്തതിന്റെ പേരില്‍ സ്ഥലം മാറ്റിയത് വിവാദമാകുന്നു. ബേക്കലിലെ സിവില്‍ പൊലിസ് ഓഫിസര്‍ വിനയനെയാണ് എ.ആര്‍ ക്യാംപിലേക്കു മാറ്റിയത്.
ജില്ലയില്‍ പൊലിസ് സേനയില്‍ മെഡിക്കല്‍ അവധിയെടുക്കുന്നവരുടെ എണ്ണം ഏറുന്നുവെന്ന പരാതിയെത്തുടര്‍ന്നാണ് രോഗത്തെ തുടര്‍ന്ന് മെഡിക്കല്‍ അവധിയെടുത്ത പൊലിസുകാരനെയും ശിക്ഷിച്ചത്.
ചന്തേര സ്വദേശിയായ വിനയന്‍ ബേക്കലിലേക്കു പോകാന്‍ പോലും കഴിയാത്തതിനാല്‍ ചന്തേര പൊലിസ് സ്റ്റേഷന്‍ മുഖാന്തിരമാണ് അവധിക്ക് അപേക്ഷിച്ചത്.