മണ്ണാര്‍ക്കാട് : സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ പ്രസിഡണ്ടായി തിരഞ്ഞെടുക്കപെട്ട എ.പി മുഹമ്മദ് മുസ്ലിയാര്‍ക്ക് മണ്ണാര്‍ക്കാട്ട് റൈഞ്ച് ജംഇയ്യത്തുല്‍ മുഅല്ലിമീനും മദ്രസ്സ മാനേജ്മന്റ്റ് അസോസിയേഷനും സംയുക്തമായി സംഘടിപിക്കുന്ന സ്വീകരണവും, നോമ്പിനോട് അനുബന്ധിച്ച് റൈഞ്ചിലെ ഇരുപത്തി ഒന്ന് മദ്രസ്സകളിലെ മുഅല്ലിംകള്‍ക്കും റൈഞ്ച് പരിതിയിലെ ഖത്തീബ്, ഖാസി, മുദരിസ്സ് , മുഅദ്ദിന്‍ എന്നിവര്‍ക്കുളള റമദാന്‍ റിലീഫ് വിതരണവും ഇന്ന് രാവിലെ ഏഴു മണിക്ക് പെരിമ്പടാരി ഹിദായത്തുല്‍ ഇസ്ലാം ഹയര്‍ സെക്കണ്ടറി മദ്രസ്സയില്‍ നടത്തും. യോഗത്തില്‍ എസ്.കെ ജെ. എം.സി.സി. പ്രസിഡന്റ്റ് സി.കെ.എം സ്വാദിഖ് മുസ്ലിയാര്‍, എസ്.എം.ഫ്  മണ്ണാര്‍ക്കാട്ട് മേഖലാ പ്രസിഡന്റ് സി.പി ബാപ്പു മുസ്ലിയാര്‍, എസ്.കെ.ജെ.എം ജില്ലാ സെക്രട്ടറി സി. മുഹമ്മദലി ഫൈസി, എസ്.വൈ.എസ്.മണ്ഡലം പ്രസിഡന്റ്റ് എന്‍.ഹബീബ് ഫൈസി കോട്ടോപ്പാടം, ജംഇയ്യത്തുല്‍ മുദരീസിന്‍ ജില്ലാ വര്‍ക്കിംഗ് സെക്രട്ടറി കെ.ടി സക്കീര്‍ ഹുസൈന്‍ ഹൈതമി , യുസഫ് മുസ്ലിയാര്‍ പെരിമ്പടാരി, കല്ലടി അബ്ബാസ് ഹാജി, ഐ.മുഹമ്മദ്, കുഞ്ഞുമൊയ്തു ഹാജി, ശംസുദ്ധീന്‍ ഫൈസി, ഹുസൈന്‍ കോളശ്ശീരി, കെ.സി.അബ്ദുറഹിമാന്‍ തുടങ്ങിയവര്‍ പ്രസംഗിക്കും.